1․ Ներկայացրե՛ք պետության ներքին և արտաքին գործառույթները։
Պետության գործառույթները: Դրանք ներկայացնում են հասարակա-կան արտադրության ոլորտներում պետության գործունեության կարևորագույն, առանցքային ուղղությունները (տնտեսական, կազմակերպչական, հոգևոր, սոցիալական): Այդ գործառույթները լինում են ներքին և արտաքին:
Պետության կարևորագույն ներքին գործառույթներից են՝
- իրավակարգի և օրինականության ապահովումը,
- ազգային անվտանգության ապահովումը,
- տնտեսության և տնտեսական գործունեության կարգավորումը,
- արտադրական հարաբերությունների կազմակերպումը և կարգավորումը,
- մշակութային հարաբերությունների կազմակերպումը և կարգավորումը,
- սոցիալական հարաբերությունների կարգավորումը և բնակչու-թյան կենսագործունեության և վերարտադրության համար նորմալ պայմանների ստեղծումը,
Ավանդաբար պետության արտաքին գործառույթների շարքում առանձնացնում են՝
- այլ երկրների հետ փոխշահավետ հարաբերությունների և համա-գործակցության զարգացումը,
- մասնակցությունը և անդամակցությունը միջազգային կազմակեր-պություններին և կառույցներին,
- պետական շահերի պաշտպանությունը միջազգային ասպարեզում,
- պետությունների և ժողովուրդների միջև ինտեգրացիոն գործ-ընթացների խթանումը,
- խաղաղ կենսապայմանների ապահովումը, պետության պաշտ-պանության կազմակերպումը և այլ պետությունների նկատմամբ ռազմական, քաղաքական և տնտեսական շահերի տարածումը
2․ Ներկայացրե՛ք իրավական և սոցիալական պետության հատկանիշները։
Սովորաբար, սոցիալական պետությունը սահմանվում է որպես ինչ-որ բանի ձգտող պետություն: Այդ ձգտումներն են՝
- ապահովել բարեկեցության որոշակի չափանիշներ իր քաղաքացիների համար,
- բավարարել նրանց նյութական և հոգևոր պահանջները,
- նվազեցնել սոցիալական անհավասարությունը,
- ապահովել յուրաքանչյուրին աշխատանքով կամ այլ եկամտի աղ-բյուրով,
- պահպանել խաղաղություն և ներդաշնակություն հասարակության մեջ,
- ապահովել մարդկանց համար բարենպաստ կենսամիջավայրի ձևավորումը և զարգացումը
Իրավական պետության կարևորագույն հատկանիշը պետության գոր-ծունեության սահմանափակումն է իրավական նորմերով, որոնք ապահովում և պաշտպանում են անձի ազատությունը և ենթարկում են իշխանա-կան կառույցներն ինքնիշխան ժողովրդի կամքին: Այս դեպքում իրավունքը հանդես է գալիս որպես պետական իշխանության կազմակերպման հիմ-նական միջոց: Իրավական համակարգի միջոցով պետությունն իրակա-նացնում է իր լիազորությունները, լուծում առկա խնդիրները և առա-ջադրանքները: Իրավական պետության նպատակները հիմնականում սահմանափակվում են համապետական շահերի ոլորտով. յուրաքանչյուր քաղաքացու շահը համարվում է պետության անձնական գործը։
Իրավական պետության հիմնական հատկանիշներն են՝
- իրավունքի և օրենքի գերակայությունը հասարակության կենսա-գործունեության բոլոր ոլորտներում,
- մարդու իրավունքների և ազատությունների առավելագույն երաշխիքները,
- օրենքի և դատարանի առջև բոլորի հավասարությունը,
- քաղաքացու և պետության փոխադարձ պատասխանատվությունը,
- անհատի իրավական և դատական պաշտպանությունը
Սառա Սարդարյանի բլոգ 