Հիանալի ու գեղեցիկ եղանակ է աշունը: Այն նվիրում է տարվա վերջին տաք օրերը, գունավորում է շուրջբոլորը զարմանալի և հեքիաթային գույներով: Մենք գնում ենք դպրոց, որտեղ նոր գիտելիքներ ենք ձեռք բերում և հանդիպում ենք հին ընկերների հետ: Ես շատ եմ սիրում աշունը, քանի որ այն միշտ նոր տպավորություններ ու արկածներ է նվիրում:
Աշնանային ամիսները բոլորովին տարբերվում են միմյանցից: Սեպտեմբերը տաք է ու գեղեցիկ, հոկտեմբերը՝ զով ու անձրևոտ, իսկ նոյեմբերը՝ ցրտաշունչ ու սառը: Բայց այդ բոլորն էլ բերում են մեզ ինչ որ նոր բան։ Ինձ դուր է գալիս ամիսներից յուրաքանչյուրը։ Աշունն է, որ մեզ տալիս է մի փոքր ամառ և հորդառատ ամպրոպներ, առաջին ցրտերն ու վերջին ջերմությունը:
Աշնանը բնությունը պատրաստվում է ձմեռային հանգստի: Անտառի բնակիչները պաշարներ են հավաքում, իսկ ծառերը թափում են իրենց տերևները: Մարդիկ հավաքում են բերքը դաշտերից և այգիներից: Աշունը շատ հարուստ է բնության զանազան նվերներով: Հասած խնձորներ և տանձեր, մեծ դդումներ և համեղ գազարներ, օգտակար ընկույզներ․․․ Այս ամենը մեզ տալիս է տարվա այս հիասքանչ եղանակը: Աշունը հաճախ անվանում են հարուստ և առատաձեռն: Արևը դեռ տաքացնում է երկիրը, իսկ տեղատարափ անձրևները լվանում են ծառերն ու ծաղիկները:
Ես սիրում եմ քայլել ընկած տերևների վրա, շագանակներ քաղել և զբոսնել աշնանային անտառում: Երբեմն ինձ թվում է, որ երբ աշունը գալիս է, մեր դռները թակում է հեքիաթը: Եվ ահա արդեն ծառերը կենդանանում են ու հավաքվում աշնանային պարահանդեսի համար: Բոլորը տոնական ու շքեղազարդ զգեստներով են: Իսկ տերևները պտտվում են և սահուն ու հեշտությամբ թափվում գետնին: Ծաղիկներն էլ են կազմակերպում իրենց պարահանդեսը: Յուրաքանչյուր բույս սպասում է ձմռանը և վայելում է արևային վերջին օրերը:
Աշնունը ավարտվում է նոյեմբերին: Ձյան առաջին փաթիլները թափվում են գետնին, և օդը դառնում է ցրտաշունչ և սառը: Ամբողջ բնությունը դիմավորում է ձմռանը: Տխրությամբ կվերհիշեմ դեղնած տերևների փունջը և աշնանային տոները դպրոցում: Բայց աշունը գալիս է ամեն տարի: Նորից նվիրում է իր շքեղությունն ու գեղեցկությունը: Եվ բոլորը անհամբեր սպասում են բերքի և զվարճանքի այս եղանակին:
Սառա Սարդարյանի բլոգ 