Պետության հասկացությունը

Ի՞նչ է «պետությունը»

Մենք հաճախ լսում ենք «Պետություն» բառը: «Պետությունը հարկերը բարձրացրել է», «Պետությունը մեզ պաշտպանում է», «Մեր պետությունն այնքան …» և այլն։

Հարկ է ասել, որ տարբեր մասնագետներ «պետություն» բառի շուրջ ունեն տարբեր տեսակետներ, և յուրաքանչյուրի տեսակետը իր ձևով ճիշտ է: Եթե ​​նրանց հարցնեք ՝ «ի՞նչ է պետությունը», ապա նրանք կտան երկար ու բարդ պատասխան:

Ես ինքս պետություն ասելով հասկանում եմ, որ դա մի տարածք է, որտեղ որոշ մարդիկ (իշխողները) ղեկավարում են այլ մարդկանց (ժողովրդին) նրանց համաձայնությամբ և այդ մարդկանց իսկ շահերի համար:

Շատ հաճախ մարդիկ խառնում են պետություն բառր «երկիր» բառի հետ։ Ճիշտ է, «երկիր» բառը իմաստով մոտ է, բայց այն ավելի լայն է ընկալվում: Պետություն հասկացությունը վերբերում է որոշակի տարածքում հիմնված կառավարման քաղաքական համակարգին, այն դեպքում, երբ  երկիր հասկացությունը ավելի շատ վերաբերում է մշակութային, ընդհանուր աշխարհագրական և այլ գործոններին։

1. Պետությունում ոմանք միշտ ղեկավարում են մյուսներին:

Պետության մեջ որոշները միշտ իշխում են, իսկ մյուսները ՝ ոչ: Եթե ​​բոլորը ղեկավարում են բոլորին, կամ էլ հակառակը, դա պետություն չէ:

2. Բնակչությունը պետք է տա իր համաձայնությունը ղեկավարվելու համար:

Պետության մեջ իշխանությունը պետք է լինի լեգտիմ և օրինական:

• Լեգիտիմ իշխանություն – իշխանություն, որը բնակչության աչքում ունի հեղինակություն, և որը բնակչության կողմից համարվում է օրինական և արդար:
• Իրավական իշխանություն – իշխանությունը պետք է ստացված լինի օրինական ճանապարհով, ենթարկվի օրենքին և կառավարի ժողովրդին միայն օրենքի շրջանակներում:

Ժողովրդավարական պետություններում միշտ կան այնպիսի բաներ, ինչպիսին է ընտրությունը: Դրա միջոցով քաղաքացիները ընտրում են նրանց, ում վստահում են ՝ ղեկավարելու այն պետությունը, որում ապրում են:

3. Իշխողները ղեկավարում են պետությունը ՝ ի շահ ժողովրդի:

Եթե ​​իշխողները, որոնց բնակչությունը վստահել է ղեկավարել, պետությունը ղեկավարում են ոչ թե բնակչության շահերի համար, ապա դա արդեն նորմալ պետություն համարվել չի կարող:

Այս ամենը խոսվում է նորմալ պետությունների մասին: Սա չի խոսվում այն ​​պետությունների մասին, որտեղ, օրինակ, բռնապետերը զավքել են իշխանությունը և ղեկավարում են այն առանց ժողովրդի համաձայնության, և ակնհայտորեն ոչ ժողովրդի բարօրության համար:

Պետության պարտադիր առանձնահատկությունները

Ցանկացած նորմալ պետություն պետք է ունենա իր առանձնահատկությունները: Առանց նրանց պետությունը պետություն չէ:

• Տարածք – յուրաքանչյուր պետություն պետք է ունենա իր տարածքը և սահմանը, որտեղ նրա տարածքն ավարտվում է և միանում է այլ պետությունների սահմանների հետ:
• Խորհրդանիշներ – յուրաքանչյուր պետություն պետք է ունենա իր խորհրդանիշները ՝ զինանշան, դրոշ, օրհներգ: Յուրաքանչյուր պետություն պետք է ունենա իր պաշտոնական անունը:
• Անկախություն (ինքնիշխանություն) – յուրաքանչյուր պետություն պետք է վարի անկախ ներքին և արտաքին քաղաքականություն:
• Պետությունը կառավարելու համար ստեղծվում են հատուկ մարմիններ և պաշտոններ – Նախագահը, Թագավորը, Ազգային ժողովը, Պետդուման, Ոստիկանությունը, և այլն ՝ սրանք ղեկավարում են պետությունը և տարբեր գործառույթներ են իրականացնում պետության մեջ:
• Միայն պետությունը կարող է օրենքներ ստեղծել իր տարածքում:
• Միայն պետությունն իրավունք ունի բնակչությանը ստիպել ենթարկվել օրենքներին:
• Իր տարածքում պետությունն իրավունք ունի թողարկել իր արժույթը, հավաքել հարկեր և տուրքեր:

Պետության սահմանումը

Պետությունը մինչև այսօր չունի իր գլոբալ սահմանումը, այսպիսով կներկայացնեմ դրանցից ոմանք։

• «Պետությունը մի խավի մյուսի կողմից ճնշելու մեքենա է, մյուս ենթակա դասերը մեկ դասի ենթակայության տակ պահելու մեքենա» – Վ. Լենին
• «Պետությունը մարդկանց բոլոր մտավոր և բարոյական շահերի կենտրոնացումն է» – Արիստոտել
• «Պետությունը պարտադիր քաղաքական կազմակերպություն է կենտրոնացված կառավարմամբ, որը որոշակի տարածքում հաստատում է լեգիտիմ ուժի օգտագործման մենաշնորհ» – Մ․ Վեբեր
• «Պետությունը հատուկ և բավականին կայուն քաղաքական միավոր է, որը ներկայացնում է բնակչությունից առանձնացած իշխանության և ադմինիստրացիայի կազմակերպությունը, հավակնում է սահմանված տարածքը և բնակչությանը (առանց վերջինիս համաձայնության) կառավարելու (գործողությունների կատարման պահանջի) գերագույն իրավունքին և ունի դրա համար անհրաժեշտ ուժ և միջոցներ» – Գրինին

• Առաջինի հետ ես ընդանրապես համաձայն չեմ, քանի որ նորմալ պետությունը պետք է լինի օրինական և մարդիկ չպետք է ապրեն վախի մեջ։ Ես համարում եմ դա ոչ նորմալ։
• Երկրորդի հետ համաձայն եմ, բայց մասնակի, քանի որ կարծում եմ, որ պետությունը ավելի շատ իր մեջ ներառում է մարդկանց և իշխանության փոխազդեցությունը, ոչ այնքան նրանց շահերը։
• Երրորդի հետ արդեն լիովին համաձայն եմ, բայց
• ինձ ամենաշատը դուր եկավ չորրորդը, քանի որ այն նշում է վեր նշված բոլոր կետերը, և գրված է շատ հեշտ և հասկանալի, Գրինինի շնորհիվ ես շատ լավ պատկերացրեցի և հասկացա թե ինշ է պետությունը։