Քիմիա․ Ընտանեկան դպրոցի հարցեր

1. Ի՞նչ  պայմաններ են անհրաժեշտ  բույսերի. աճման  համար…

Բույսերի ճիշտ ու հանգիստ աճման ու նրանց սերմից զարգացման ու
հասունացման համար անհրաժեշտ են 16 տարրեր:

Այդ տարրերից երեքը՝ թթվածինը, ածխածինն ու ջրածինը, բույսերը ստանում են անմիջապես շրջակա միջավայրից, իսկ մնացած 13 պետք է ապահովվեն հողի, պարարտանյութերի կամ զանազան օրգանական նյութերի միջոցով:

Բացի ածխաթթու գազից, արևի լույսից, թթվածնից ու ջրից գոյություն ունեն նաև 13
կարևոր սննդատարրեր բույսի աճի համար:

Դրանք են՝

• Մակրոտարրեր – N, P, K (ազոտ, ֆոսֆոր, կալիում)
• Մեզոտարրեր – Ca, Mg, S (կալցիում, մագնեզիում, ծծումբ)
• Միկրոտարրեր – Fe, Mn, B, Zn, Cu, Mo, CI (երկաթ, մանգանեզ, բոր, ցինկ, պղինձ, մոլիբդեն, քլոր):

Եթե հողում կամ մթնոլորտում բույսերի սնուցմանը մասնակցող տարրերից մեկը ոչ
անհրաժեշտ քանակությամբ է կամ նորմալ չի յուրացվում՝ բույսը չի զարգանում կամ էլ լավ չի աճում:

2. Ինչո՞ւ  են  ազոտը և ֆոսֆորը համարվում կենսական  տարրեր…

Ազոտը և ֆոսֆորը համարվում են կենսական տարրեր, քանի-որ օգտագործվում են, բույսերի համար որպես պարարտանյութ:

3. Ինչո՞ւ են  հողին տալիս  պարարտանյութեր…..

Հողին տալիս են պարարտանյութեր, քանի որ այն նպաստում է այդ հողում աճող բույսերի աճին:

4. Ի՞նչ  է  «Նիտրատային  աղետը «…

1970-ական թվականներին աշխարհի տարբեր երկրներում հանելուկային թունավորումների բռնկումներ գրանցվեցին: Ինչպես պարզվեց՝ պատճառը նիտրատներն էին, որոնք մեծ քանակություններով օգտագործվել էին, որպես պարարտանյութ: Ահա թե ինչու նիտրատներ պարունակող սննդամթերքներով զանգվածային թունավորումներն անվանվեցին նիտրատային աղետ: